கரவெட்டி பிரதேச செயலகத்தின் வரலாறு

யாழ் மாவட்டத்தின் வடமராட்சிப் பகுதியினுடைய தெற்கு மேற்கு பிரதேசமானது வடமராட்சி தெற்கு மேற்கு பிரதேச செயலகத்தின் நிர்வாக எல்லைக்குள் அமைந்துள்ளது. இவ் அலுவலகமானது யாழ் நகரிலிருந்து  29 KM துாரத்தில் யாழ் - பருத்தித்துறை வீதியில் அமைந்துள்ளது. இப்பிரதேசமானது 63.7 சதுர கிலோமீற்றர் பரப்பளவினை உள்ளடக்கியுள்ளதுடன் 2.2 சதுர கிலோமீற்றர் நீர்ப்பரப்பினையும் உள்ளடக்கியுள்ளது. அத்துடன் இப்பிரதேச செயலகப் பிரிவானது 35 கிராம அலுவலர் பிரிவுகளாக பிரிக்கப்பட்டுள்ளதுடன் 195 கிராமங்களையும் கொண்டுள்ளது. வடமராட்சிப் பிரிவானது முன்னர் ஒரு தனியான நிர்வாகக் கட்டமைப்பைக் கொண்டிருந்தது. பின்னர் அடுத்தடுத்த வரம்புபடுத்தல் மற்றும் தேர்தல் தொகுதிவாரியாக நிர்வாக நடைமுறையை ஒழுங்குபடுத்துவதற்காக 1960 இல் பருத்தித்துறை தேர்தல் தொகுதியிலிருந்து உடுப்பிட்டி தேர்தல் தொகுதியானது பிரிக்கப்பட்டதன் காரணமாக கரவெட்டி உதவி அரசாங்க பிரிவு உருவாகியது. பின்னர் அரச கொள்கை மாற்றத்திற்கமைவாக உதவி அரசாங்க அதிபர் பிரிவுகள் பிரதேச செயலகங்களாக தரமுயர்த்தப்பட வடமராட்சி தெற்கு மேற்கு உதவி அரசாங்க அதிபர் பிரிவு கரவெட்டி பிரதேச செயலகமாக மாற்றப்பட்டது.